Auai mai i le Alaalafaga

Read in English

E tele na’uā auala e mafai ona a’afia ai i le talafa’asolopito o le atisi ma le saienisi o siapo ma ‘ie tōga. O lo’u fa’amoemoe, aemaise lava, ia fa’agae’etia tagata talavou o le Pasefika i tala’aga o latou tua’ā, ma sa’ili ni auala e fa’asoso’o atu ai i a latou lava tala, auala o lo’o soifua ai, ma le va’aiga i le lalolagi.

–Kirisitina Sailiata (Samoa)

O se taumafaiga na amata i se alagātupe mai le ‘Oa Fa’amatu’u a le Mālo mo Mataupu Tau Tagata (NEH) e fa’asao ai ma fa’asoa siapo ma fala lalaga i le NHMLAC ua fuga mai i se pa’aga felagolagoma’i ma le tele o alaalafaga o Atumotu Pasefika i Kalefonia i Saute. Matou te fa’afetai atu i le to’atele o i le ‘au faufautua mai vaipanoa eseese na galulue i lenei fa’aaliga. O lo’o matou fuafua e fa’avae se vaega o se ‘au faufautua e fai ma matou pa’aga e galulue fa’atasi aga’i i le folasia o lenei fa’aputuga o siapo ma fala lalaga nini’i mo so’o se tasi e iai sona so’otaga i nei measina o ni fa’atusa o aganu’u mai Atumotu o le Pasefika.

‘Auai i le Alaalafaga

E te naunau e fia iloa atili pe ‘auai mai i le alaalafaga? Tu’u mai lou fa’amatalaga. Matou te taliaina ni manatu ma ni lagona e uiga i lenei fa’aputuga, e aumai i luga o lenei uepesite, po’o ni tala fo’i ma ni fa’amatalaga e te mana’o e fa’asoa mai e uiga i siapo ma fala lalaga.

Project History

O le amataga o lenei fuafuaga o lo’o i le Fa’aputuga a le NHMLAC e silia i le 450 siapo ma fala lalaga, o nisi e silia i le 150 tausaga le tuai. I le 2020, na matou maua ai se alagātupe e iloilo ai ta’itasi mea o lo’o i le Fa’aputuga, tusi fa’aupuga ma fa’aaogā mea pu’eata malolosi e iloa atu ai ni mea ua tatau ona togafiti ma fa’asao. Na matou mauaina fo’i se alagātupe e fai ai se fa’aaliga i luga o le initaneti ma fefa’asoaa’i lenei fa’aputuga, ae le’i mafai lava ona fa’aali atoa atu.

O le masima, fugalaʻau, ma le atigi niu e faʻaaoga e faʻamanuia ai le nuʻu ma ietoga. Meaalofa na saunia e Fran Lujan

Taluai ona o le tagofia, fa’asao, su’esu’e, fa’aali atu, ma fa’amatala nei measina i le va’aiga a le falemata’aga lava ia, ma le leai o se tu’ulalo mai nu’u na aumai ai nei measina, o lea na matou a’apa loa i fautuaga mai fa’alapotopotoga eseese o tagata Atumotu Pasefika i Kalefonia i Saute. Na amataina lenei fuafuaga ma fa’amanuiaga a tagata Samoa, Malesala, Hawai’i ma Kuameni, fa’apea fo’i tagata Toga o le lotoifale e ona le laueleele o lo’o tu ai le falemata’aga. Sa aumai la latou fa’atagaga fa’atasi ma le fa’amanuiaga.

E tāua le iloa e tagata e lē o ni aga na’o na fa’atino ia e fai atu, a’o aganu’u a tagatānu’u o alaalafaga o lo’o fefa’asoa’i ma tu’u atu le fa’aaloalo, mamalu, agaga ma le alofa!

—Cindi Alvitre (Toga)

O nei fa’amanuiaga na soso’o ma le talanoaina o ni auala e mafai ai ona aogā lenei fa’aaliga i mana’oga o alaalafaga. Sa fautua mai ē matutua ina ia tapā e na mua’i fautuaina matou i mea e tatau ona fai e tusa o le fa’ama’i ua feagai ai. O le ‘au faufautua nei mai vaipanoa na galulue felāta’i ma i matou i le fa’aaliga na fautua mai i sini ma le fa’atulagaga o le uepesite atoa ma le fa’aali atu o nei measina a atunu’u. Na aogā lenei galuega faifa’atasi i le fa’atulagaga o le fa’aputuga i luga o le iloa fa’ale aganu’u ma le fa’aali atu o measina i le lautele ma le iloa lenei.

Na fesiligia e tagata o alaalafaga nei ia ta’u sa’o atu tulaga i ē na aoina nei measina ma le fa’aputuga, ia maua e le lautele le avanoa e va’au ai i ata lelei; se avanoa e avatu ai sa latou fa’aopoopoga i su’esu’ega ma mataupu a’oa’oina e fa’atatau i vaega o le fa’aaliga. E le gata i lea, ae na talosaga mai fo’i i se avanoa e fa’aali mai ai le tāua ma le eseese o a latou fo’i aganu’u (e aofia ai ae le gata ai iā Samoa, Toga, Fiti ma Hawai’i). O lenei fa’aaliga ua tali atu ai nisi o ia sini, a’o nisi o lo’o fa’asolo mai pea. E tele pea mea e fia fai, ma matou te fa’afetai mo le galulue felagolagoma’i.

Faufautua mai alaalafaga

E fia fa’afetai atu le NHMLAC i tagata nei mo lo latou lagolago mai i lenei fuafuaga:

• Audrey Kawaiopua Alo (Samoa-Hawaii) Peresetene – Pacific Islander Health Partnership; Ta’ita’ifono – LE GaFa    
• Cindi Alvitre (Toga), Sosaiete Ti’at; NAGPRA Coordinator – California State University, Long Beach   
• Juliann Anesi (Samoa), Assistant Professor of Gender Studies – University of California, Los Angeles   
• Katrina Talei Igglesden (Fiti), Postdoctoral Research Associate – Sainsbury Research Unit, University of East Anglia     
• Fran Lujan (Chamorro), Fa’atonu – Pacific Island Ethnic Art Museum      
• Kirisitina Sailiata (Samoa), Postdoctoral Fellow – American Studies, Macalester College
• Tavae Samuelu (Samoa) Fa’atonu Sili – Empowering Pacific Islander Communities (EPIC)      
• Kelani Silk (Malesala), Fa’atonu Sili – Marshallese Youth of Orange County      
• Lolofi Soakai (Toga), Fa’atonu Sili/Fa’avaeina – Motivating Action Leadership Opportunity (MALO)   
• Asena Taione-Filihia (Toga), Fa’atonu Lagolago – Asian American Resource Center at Pomona College   
• Craig Torres (Toga), Totino – Traditional Council of Pimu, Faia’oga Toga