O Ᾱ Siapo ma Fala Lalaga?
Aʻoaʻo e Uiga i Siapo
Fa’asao Measina Tu’ufa’asolo o Aganu’u
Masalo o le tulaga aupito iloga ia i matou i alaalafaga ua fa’asalalauina, o siapo ma fala lalaga e aumai i fa’aipoipoga e lē o ni ‘ie fa’ato’ā lalaga pe maua, a’o ni ‘ie tuai ua leva ona iai i le aiga. O le fa’amatu’u atu o ‘ie na e fa’ailoa ai lo latou tāua, o le aganu’u tāua o le fa’asoa o le tamāoaiga, ma o se fa’ailoga o le ‘tamāoaiga’ le mafai ona foa’i atu mea ua ia te oe.
—Katrina Talei Igglesden, (Fiti)
I le tele o aganu’u o Atumotu o le Pasefika, o le teu ma le fa’asao o siapo ma fala lalaga e amata i le gaugau o le ‘ie ma fa’aaogā i sauniga fa’apitoa, po’o le foa’i o le ‘ie e amata ai ni so’otaga o aiga. O le fa’amoemoe o le tele o siapo e lavalava ai, faimeaalofa a’i, toe foa’i atu, toe sui le uiga, se’ia i’u lava ina pala ma toe fo’i i le eleele. O le faiga lenei o le fa’aaogā ma toe sui auala e ave ai, e fa’aalia ai le tāua o ‘ie nei i totonu o alaalafaga. O le fa’amoemoe o fa’aputuga i totonu o falemata’aga e fa’asao ‘ie mo le fa’ailoa atu o aganu’u. O le sini o la matou galuega i le Falemata’aga o le Talafa’asolopito o Mea o le Natura, ia fa’atumau le tulaga lelei o siapo ma fala lalaga nini’i i la matou fa’aputuga ina ia mafai ona fefa’asoa’i ai ma o latou nu’u ma fa’aauau ai pea le a’oa’oina mai nei measina.
Fa’anumeraina, Fa’aupuina, ma Fa’akomepiutaina
O le tausiga o se fa’aputuga i totonu o se falemata’aga o se galuega alofa. E masani, o le galuega lenei a le ta’ita’i o fa’aputuga, o lē faia le tonu pe fa’apefea ona tu’u ma teufale; tusi pe fa’afia ona fa’aali ae po’o le ā fo’i le umi; ma iai se taimi (ma se avanoa) e siaki so’o ai pe iai ni foliga ua ‘atia pe sātia. E fa’aopoopo i ai, e tatau i le ta’ita’i lenei ona iai le aofa’i o mea uma ma ni su’esu’ega o fai ai – o le sini lava ia fa’aavanoa nei measina mo ē fia fai a latou su’esu’ega, tagata o le alaalafaga, ma matagaluega e faia fa’aaliga.
© Falemata’aga o le Talafa’asolopito o Mea o le Natura a le Itumālo o Los Angeles
O le taimi o le fa’ama’i i le 2020/2021, sa tapuni le falemata’aga i le lautele, na gaogao ai nisi potu e fa’aali ai measina. Na matou fa’aaogāina nisi avanoa na e fai ai pu’ega ata tetele mo siapo uma ma fala lalaga o i le fa’aputuga. O le tu’u o le meapu’eata i se la’au umī e mafai ona fetosoa’i ma pu’e mamao atu, na mafai ai ona pu’e le ata o le siapo aupito telē, e 75 futu x 15 futu, ae na pu’e auaua’i vaega!
© Falemata’aga o le Talafa’asolopito o Mea o le Natura a le Itumālo o Los Angeles
O le avanoa lea ua matou fa’atagaina e pu’e ai ata ma fa’amatala ni afāina o siapo ma fala lalaga i le taimi e tasi, e fa’aitiitia ai le mulu ma lote mea ta’itasi ia. E galulue fa’atasi le ta’ita’i o fa’aputuga ma lē fa’asao i le avanoa e tasi, ina ia fetufā’i ma fai a la fa’ai’uga po’o a mea e tatau ona fa’asao i totonu o le falemata’aga, a’o a mea e tatau ona ave i se tagata tomai fa’apitoa i le fa’asaoina o pepa.
© Falemata’aga o le Talafa’asolopito o Mea o le Natura a le Itumālo o Los Angeles
Ina ua tapuni la matou fa’aaliga o measina, na maua ai le avanoa e pu’e ai le tele o ata ma vitiō o le fa’agasologa atoa, e aofia ai le taimi na pu’e ai le vitiō o le galuega a le isi a matou tagata fa’asao o lo’o fa’asao le isi siapo!
© Falemata’aga o le Talafa’asolopito o Mea o le Natura a le Itumālo o Los Angeles
E faigata ona tu’uina atu le avanoa e maimoa ai i siapo ona o le tetele, ae o le faiga lenei na mafai ai ona fa’aali nisi siapo, fa’ata’atitia i le tasi itu ma le isi itu ina ia mafai ona matamata i ai tagata o alaalafaga lotoifale o Atumotu o le Pasefima.
O le Fa’asologa o le Fa’asaoina
A'o toe iloilo ma fa’aupu le fa’aputuga o siapo ma fala lalaga nini’i, sa filifili le ta’ita’i o fa’aputuga, le tagata fa’asao, ma le pule o le falemata’aga po’o a measina e fa’asao i totonu o le fale. O se galuega tele ma le umi le fa’asaoina ma le toe fa’aleleia o mea ia. E matuā fa’aeteete le tagata fa’asao pe a galue i so’o se measina, aemaise lava mea pei o moi’a’a o la’au, e manifinifi pei se laupepa o lo’o fa’aaogā e gaosi ai ‘ie nei. Maimoa ane i ata vitiō i lalo, o lo’o fa’aali atu ai le taimi umi e 18-itula, fa’atasi ma le fa’amatalaga auiliili o le auala na fa’aaogā e le matou tagata fa’asao.
FA'AFETAI
E fia fa’afetai atu le Falemata’aga o le Talafa’asolopito O Mea o le Natura a le Itumālo o Los Angeles i totino nei mo lo latou lagolagoina o lenei fuafuaga: Audrey Alo, Cindi Alvitre, Juliann Anesi, Katrina Talei Igglesden, Fran Lujan, Kirisitina Sailiata, Tavae Samuelu, Kelani Silk, Lolofi Soakai, Asena Taione-Filihia, ma Craig Torres. Ua mafai ona fa’atinoina se vaega O le ‘Ie o Alaalafaga ona o se alagātupe tele mai le Oa Fa’amatu’u a le Mālo mo Mataupu Tau Tagata (NEH): E poloa’iina e le Temokalasi le atamai. O ni lagona, mea ua maua, fa’ai’uga, po’o ni fautuaga o avatu i lenei fa’aaliga e lē fa’apea o manatu na o le NEH.